Bilder im Chopf

Äs chund vür, das i zmaal äs Bild im Chopf han, äs Bild, wa di lengscht Ziit vrgrabä gsin ischt. Eis dernäs Bild ischt di duuchel Chällertollä bim Naani z Valzeina und än Harass vollä Öpfel, Gloggänöpfel. Diä lüüchtend us derä brandschwarzä Düüchli über d Stägätritt uäher zu miär und schmeckend uusinnig guät. Aber äbä au äs Gfüül chund, Angscht diä paar Tritt abzstiigä in diä Düüchli und dernä guätä Öpfel z holä.